الفصل الرابع عشر
رساله اليوم 
تمر الحياة ولا يحدث
” الا ماكتبه الله لنا “
عيون تحلم وقلب يتمنى
ضع ثقتك بين يدي الله 
يقول الرسول ﷺ
“أنا في روضتي حي .. أسمع كل من صلى علي “
– صلوا عليه 
开始吧
ذهب مازن وجلس بجانب المأذون وأخرج بطاقته ووضع يده في يد عمر الذي نظر له ببسمه نقل مازن انظاره لجنه التي تنظر لعمر بسعاده وخجل لما يشعر بهذا الشعور تجاهها لما لم يرفض قول مالك اغمض عينه بألم وتمني لو كانت صغيرته مكانها وهو يزوجها بنفسه ويسلمها لزوجها بيده نظر مالك لمازن وجده يغمض عينه بألم علم ان الماضي يعاد أمام عينه ذهب اليه مالك ووقف بجانبه ووضع يده علي كتفه فاق مازن من ذكرياته الاليمه ونظر لمالك نظره بها ألم شديد شعر بها مالك وضغط علي كتفه اكثر وطمئنه انه بجانبه جاء إليهم سراج وغمز بمرح لمازن
ابتسم مازن وحمد ربه علي إخوته قبل أن يكونوا أصدقائه
بدأ المأذون مراسم الزفاف وعمر لا يرفع عينه من علي جنه التي تكاد تموت من الخجل
ونظرات مالك المميته التي يرسلها لنور تكاد تحرقها وهذه الحمقاء لاتنتبه لنظراته بل تمازح جنه
سأل المأذون عن بطاقه العروس
نظر عمر لها بصدمه كيف نسي امر البطاقه اكيد ليس معها بطاقه في ظل ما حدث لها
ثواني وكانت نور تأتي من الداخل بالبطاقه الخاصه بجنه
نظر عمر بتفاجأه لجنه بينما هي أشارت له بعينها انها ستخبره لاحقا
انتهي المأذون من مراسم الزواج بالجمله المعروفه (بارك الله لكما وبارك عليكما وجمع بينكما في خير وعافية وستر )
نظر عمر لجنه نظره حب لم يستطع اخفائها فهذه الاميره بعيناها الفيروزيه قد أسرته منذ المره الاولي نهض وذهب إليها وعانقها بشده ثم قبل جبينها / مبارك يازوجتي
خجلت منه جنه وخبأت رأسها في صدره وهي خجله منه بشده
نظرت لهم سمر بفرحه واطلقت صفير / الله عليك ياباشا رومانسي ياض ياعمر وانا معرفش
سراج في سره / يخربيتك راجل في نفسك كده
نهض مالك من المكان حينما وصله مكالمه ذهب بعيدا عن الضوضاء ليرد علي الهاتف
بينما كان يدخل عاطف وسلمي من الباب
عاطف بسماجه / الف مبروك يا بشمهندس عمر
عمر / الله يبارك فيك يا استاذ عاطف اتفضل انت ومدام سلمي نضايفكوا
سلمي وهي تجلس / تتفضل يا خويا منتفضلش ليه
نظرت سمر لهم ثم نظرت بنور / هروح احطلها سم 
في الاكل
مسكتها نور وهي تضحك / يخربيتك اقعدي كده لتعملي مشاكل
سمر / اه ياناري مش طايقه اشوف خلقه امها هنا هي و بيومي فؤاد ده
نور بضحك / هموت يخربيتك اهدي خلي الليله تعدي علي خير
في الخارج
مالك / اها هو اعترف علي طلب منه يحط القنبله
……….
لا انا حاسس ان اللي قلي عليه ده فيه أكبر منه وهو مجرد قطعه شطرنج لان حميد الشرقاوي فجر المركز بسبب انهم منعوا يدخل بضاعه ليه واللي يعمل كده يا ما مجنون يا اما مسنود
………
اها بعد اسبوعين هسافر عشان الاجتماع
……….
لا منا جهزت كل حاجه خلاص
……..
تمام يافندم انا هبلغ حضرتك بكل حاجه قبل السفر
……….
مع السلامه
دخل مالك ونظر وجد الصمت يعم المكان تعجب ونظر لنور وحد دموع محبوسه في عينها ماذا حدث هو تركها بخير هل حدث شئ في غيابه نظر لسراج وجده ينظر بشراسه لرجل يجلس بجانب امرأه يبدو عليها الخبث ومازن ينظر للجميع ببرود لا يناسب الموقف
مالك وهو يقترب من سراج / حصل ايه ياسراج ومالها نور
سلمي بصوت عالي / اهلا هو انت هنا يعني مش مكفيك كل يوم توصلها وتتسرمح مع قليله الأدب دي لا وعازماك هنا بس اقول ايه العيب مش عليك العيب علي اللي أهلها سايبنها تدور علي حل شعرها
عمر بصراخ / اخرسي اختي اشرف منك ومن اشكالك لولا انك ست كبير كان هيبقي كلامي غير بس معلش كلامي مع اللي سايبك ترمى محصنات كده
ثم نظر لعاطف / اتفضل يا استاذ عاطف خد مراتك واطلع بره يعني مش هتقعدوا في بيتي وتهينوا اهل بيتي
سلمي / ايوه ياخويا منت مش عارف تحكم علي اهل بيتك وبتتحكم في غيره مقدرش علي الحمار
ارتفع صوت الهمهمات بين الناس والهمس والنظرات
نور / انت واحده مش محترمه وللأسف انا اهلي ربوني ومش هرد عليكي عشان كده هنزل مستوايا ليكي وانا متربيه اني احترم كبار السن ومردش الاساءه بالمثل اتفضلي اطلعي بره البيت من غير مطرود
نظر سلمي لها بحنق وحركت رأسها الجانبين بحركه شعبيه / شوف البت بجحه ازاي صحيح مفيش حيا ابدا
نور / الحمدلله اهلي ربوني كويس الدور والباقي علي اللي ماشيه توزع سموم في الناس انتي ايه مش هتبطلي قرف بقي
سلمي / قرف قرف ايه ياختي
نور / أخلاقك اللي قرف واقسم بالله اسمعك تقولي كلمه عني تاني انا هبيتك في الحجز مش الرائد نور سيد حسين اللي واحده زيك تتكلم عليها لا فوقي ياحبيبتي كده واعرفي انتي بتقولي ايه
سمر / يامي يامي صدقي خوفت وريني ياختي هتعملي ايه صحيح بجحه اوي تغلط ومتحبش حد يتكلم
تعالي همس الناس والتحدث علي نور
مالك بصرخه واحده اسكت الجميع عن التحدث / بس
نظرت له سلمي وكانت ستتحدث ولكن ارتعبت من نظرته المميته ووقع قلبها فنظرته مرعبه حد الموت شعرت انه يقتلها بنظرته نظر مالك لنور وجدها تنظر لسلمي بقوه تخفي تحتها ضعفها / انتى باي حق تتهميها كده كنتي مين
سلمي وهي ترتعش من نظرته / اصل يابيه
مالك بفحيح مخيف / اششش ماقلتش تتكلمي
ثم نظر لعاطف بسخريه / مش عارف تسكت مراتك ولا ايه
عاطف / يابيه هي البت نور دي اللي
لم يكمل كلامه بسبب صفعه مالك التي أسقطته أرضا وجعلت أنفه وفمه ينزف بشده من قوه الصفعه
مالك بنظره توحي بخروج الشيطان / اسمها نور وبالنسبه ليك الانسه نور ولما تتكلم تتكلم باحترام بدل ما انا اللي هعلمك ازاي تتكلم بس بطريقتي
ثم نظر للجميع / اللي بتتكلموا عليها دي تبقي خطيبتي واللي يقول عليها كلمه واحده اقتله انتم فاهمين وقبل ماتتكلموا علي حد اعرفوا الحقيقه الأول مش تمشوا ورا اللي بيتقال
نظر لنور وجدها تنظر له بنظره ولأول مره لا يستطيع تفسير نظره احد
سمر وهي ترفع صوتها / خلاص المولد انفض كنتم جايين عشان تخوضوا في شرفنا مش تهنونا اتفضلوا كل واحد يروح لحاله شرفتونا
ثم نظرت لسلمي / اما انتي بقي فأنا حذرتك قبل كده لو قربتي من نور هعلمك الأدب بس مسمعتيش
ثم اقتربت من سلمي وجذبتها من حجابها وجربتها خلفها لغرفته ركض الجميع ليلحق بها
سمر بنظره شر / يمين بالله اللي هيجي ورايا لاسيبها وامسك فيه هو
ثم اخذتها الغرفه واغلقتها عليهم ولم يسمع الجميع سوي صراخ سلمي
عاطف من الخارج لعمر / ينفع كده ياباشمهندس خلي اختك تسيب مراتي
عمر ببرود / اظن انت سمعت سمر قالت ايه عايز تدافع عن مراتك اتفضل
نظر عاطف للغرفه بخوف وتراجع
نظر له مالك بسخريه
ثم وجه نظره لنور التي تنظر للفراغ اقترب منها مالك وامسك يدها فاقت هي من شرودها ونظرت له بتعجب اخذ هو بيدها وتوجه للبلكون
مالك وهو ينظر لها / مالك ساكته كده ليه
نظرت له نور / اسفه
مالك بتعجب / اسفه علي ايه
نور بدموع تلمع في عينها / اسفه لانك اتحطيت في موقف بايخ بسببي واتضطريت انك تقول اننا مخطوبين
مالك وهو ينظر لها / متتأسفيش يانور انا اللي عملت كده بارادتي ومحدش كان يقدر يجبرني ابدا
نور / تمام شكرا ليك جدا دايما بتساعدني في كة مشاكلي وانا فتره كده وهقول اننا انفصلنا
ثم تركته ورحلت دون سماع رد
مالك بعد ذهابها / ما اظنش يانور ان ده هيحصل ابدا طول ما انا عايش
…………… 
تسطح سراج علي سريره وهو يتذكر شكل سلمي بعدما تركتها سمر بالقوه وبتدخل منهم لقد كانت تقريبا جثه يالله ماهذه الفتاه قويه جدا وفي نفس الوقت هشه جدا اه سوف تقتلني
بينما في الغرفه المجاوره كان مازن يفكر في جنه لما شعر انها تخصه هي اقيظت مشاعر الاخ بداخله وقد ظن انه دفنها منذ ضياع صغيرته لاينكر ان تشابه الأسماء بينهم امر عجيب وايضا تشابه لون العين بينهم كبير جدا ولكن كيف ذلك وهو بحث عنها كثيرا وبالفعل توصل للملجأ التي كانت فيه ولكن للأسف وصل متأخرا فقد كان الملجأ احترق بالكامل ومات من فيه ولك ينجو منه سوي القليل فقط وهو تأكد لم تكن صغيرته من بينهم هذا يعني انها…
ابتلع غصه بسبب ذكرياته الاليمه التي هاجمته اغمض عينه بعذاب علي صغيرته ودعي الله لها والوالديه بالرحمه وتذكر جنيته الشقيه ولسانها الطويل دائما واخر مره رأها كانت مرعوبه بدرجه كبيره
Flash 
back
خرجت ساره وهي تركض من غرفه العمليات وتنظر خلفها برعب يكاد يقتلها وعينها حمراء شديده كان في ذلك الوقت مازن يتحدث مع طبيب اخر وجدتها تركض في الممر وهي تنظر خلفها برعب كبير نظر لها بتعجب ولحق بها دخل خلفها الغرفه حيث تركت الباب مفتوحا
مازن / مالك يادكتور ساره
نظرت له ساره بعيون مفتوحه من الرعب / هو هنا انا شوفته مماتش هو لسه عايش راجع عشان يقتلني هينتقم مني لازم اهرب من هنا
نظر لها مازن بتعجب كبير ما الذي تتحدث عنه لما هذا الخوف
مازن وهو يقترب منها / اهدي ياساره مش فاهم حاجه مين ده اللي رجع وليه خايفه منه كده
ساره ببكاء شديد / حسام رجع عشان ينتقم مني ويقتلني زي ما قتلته
نظر لها بصدمه ماذا تقول هذه قتلته كيف وكيف عاد من الموت اذا كانت قتلته / طب اهدي شكلك مجهده شويه اهدي بس وهتكوني كويسه
ساره وهي تجمع اشيائها بسرعه / لا مش هقعد هنا هيصحي يقتلني انا همشي من هنا
اقترب منها مازن وجذبها لعناقه بشده قلبه يؤلمه من شكلها وخوفها هذا / اشششششش مفيش حاجه هتحصل طول ما انا جانبك
شددت هي من عناقه وهي لا تشعر غير بالامان بين احضانه / هو عايز يقتلني متسبنيش يامازم هيقتلني
مازن وهو يربت علي شعرها / خلاص انا جنبك اهدي
Back
مازن / ياتري ايه اللي حصلك يا ساره وخلاكي تخافي كده
في الغرفه بجانبه كان مالك شارد في نور وحديثها هل تظن انه فعل مافعله شفقه ام ماذا هو ليس نادم ابدا علي ماقاله واذا عاد به الزمن سيقول انها زوجته وليست خطيبته فقط هو لايعرف ما يحدث له بجانبها ولكنه شعور لذيذ يجعله يريده ان يستمر هي ستكون معه وبجانبه ولن يسمح لها أن تبتعد عنه فقط ينتهي من المهمه القادمه وبعدها يتفرغ لها اغمض عينه لينام بعمق ويفكر فيها فهي لم تعد تزوره في أحلامه كأنه اكتفت بالظهور في واقعه فقط
……………
في منزل نور كان عمر يجلس في الصاله وهو يشاهد التلفاز ولكنه لا ينظر اليه هو شارد بشئ شعر بأحد يجلس بجانبه نظر وجدها جنه
عمر ببسمه / لسه صاحيه
جنه ببسمه / مش جايلي نوم انت لسه صاحي ليه
عمر وهو يقترب لها وهي عادت للخلف / ولا حاجه انا كده لما بفرح مش بعرف انام
نظرت هي له بنظرات فرحه / بجد ياعمر انت فرحان
عمر / مش باين عليا
ابتسمت هي بخجل
عمر /اه صحيح ازاي جبتي بطاقه
نظرت هي له ببسمه / احم اصلي اخذتها من مكتب شوقي مع الوصلات قبل ما اهرب
عمر بتعجب / هو كان عامل ليكم بطايق
هزت جنه رأسها / اه عشان مثلا لو عسكري مسكني وانا ببيع مثلا اقوله اي كلمتين بس طبعا البطاقه مش باسمي الحقيقي
عمر / هو انت اسمك الحقيقي مش جنه
جنه / لا اسمي جنه بس اسم الأب هو اللي مش صحيح انا لما خدوني كنت اربع سنين فكنت فاهمه كل حاجه وكنت عارفه اسمي بس هو جاب البطاقه باسم اب تاني
عمر بتعجب / انت فاكرة اسم باباكي
هزت جنه رأسها / احمد الشريف
عمر / حاسس اني سمعت الاسم ده قبل كده
جنه / معرفش من وقت ما انخطفت وانا مش بسمع اي حاجه عن أي حد
عمر / طب انا عندي صديق في السجل المدني هخليه يدور في الورق اللي عنده كده علي اي حاجه ممكن توصلنا لعيلتك مش انتي بتقولي اخوكي كان عايش وقتها ممكن نلاقيه
هي بفرحه كبيره / بجد ياعمر
عمر / اسمي طالع منك سكر
جنه بخجل / بس بقي لو سمحت
عمر بضحكه / يابنتي انتي مراتي دلوقتي
جنه بخجل / عارفه
عمر بهمس وهو يقترب / عارفه ايه
جنه / اني مراتك
عمر اقترب منها جدا وكاد يقبلها لولا انا قاطعهم ظل احد يقف بجانبهم
ابتعد عمر ورفع نظره لهذا الظل وجد نور تقف وتأكل موز كان سينهض
نور والموز في فمها / والله ما انت قايم انا ماشيه انا بس كنت بشوف حته جاتوه اتبقت بس شكل الناس خلصوها كلها فلقيت موز وكنت معديه شفتكم بالصدفه بس
عمر وهو ينظر لها بغيظ /ده انتي عيله فصيله بقولك ايه يابت انا هرجعك عند اهلك انا تعبت منك
نور وهي تنظر بكبرياء / علي قلبك ياعمر هنا انت ليك الشرف ان الرائد نور سيد قاعده معاك وبتكلمك عادي كده
عمر وهو يلوي فمه / ليه يا ختي بكلم مين يعني غوري يابت علي اوضتك ومتدوشيناش
نور وهي تغمز له / عايز تستفرد بالبنيه اخص عليك ياعموري مكنتش اعرفك قليل الادب كده
عمر بغيظ / والله ما فيه حد قليل الادب هنا غيرك غوري يابت بد ما انا اللي اجي اخليكي تدخلي بمعرفتي
نور وهي تأكل الموز وتدخل / خلاص يا خويا بس ماتزوقش الله
نظر عمر لها بتعجب/ البت دي لازم تبطل تقعد مع سمر البت بقت رداحه
نظر عمر لجنه الغارقه في الضحك / وانتي كمان متقعديش كتير مع سمر
جنه استمرت في الضحك ولم تستطع الرد اقترب عمر منها مجددا / ايه الضحكه الحلوه دي تعرفي انك جميله جدا
سمر / انا برضو قلتلها كده
فزع عمر من الصوت القادم من جانبه نظر وجد سمر تجلس بجانبه علي الاركيه صرخ عمر بفزع / انتي جيتي هنا امتي
سمر (بصوت الحاجه نوسه) /الله جرا ايه ياببلاوي شفت عفريته ولا ايه
عمر / هي ليله باينه ده انتم اسود من العفاريت انتي هنا من امتي ياست انتي
سمر ببرود / من اول متقعديش مع سمر
عمر / انا عارف ان نهايتي علي ايدك انتي والقرده اللي بتاكل موز جوه دي
نور وهي تخرج / الله وانا مالي يالمبي
سمر وهي تفتح زراعها لنور / تعالي ياحبيبتي يامسكينه انتي دايما ظالمك الوحش ده
ذهبت إليها نور وعانقتها / اه والله شفتي ياسمر بيظلم نور حبيبتك ازاي
نور / نا عاش اللي يظلمك ياقلب سمى طول ما انا عايشه انا هاخد منه جنه ونسيبه لوحده كده
عمر / لا والنبي
سمر وهي تهز رٱسها / اها
عمر / طيب عليا وعلي أعدائي كلكم هتتخمدوا هنا في الصاله ها قال تسيبوني لوحدي قال
نور وهي تقفز من حضن سمر/ هيييييه حفل مبيت
سمر / اشطا يلا نجيب البطاطين ونفرشها
احضر الجميع البطاطين وفرشوها وناموا عليها سمر في البدايه ثم نور ثم عمر ثم جنه
عمر وهو يضم الثلاثه عليه / ربنا يديمكم ليا يارب ويسعدكم يارب
الجميع / امين يارب
نور وهي تتثائب / احكي حكايه ياسمر وانا بنام
سمر / اشطا اسمعي ياستي كان يا ما كان ياسعد يا إكرام ولايحلي الكلام الا بالصلاه علي الرسول صلى الله عليه وسلم
كان فيه………
……………
انقضي الليل 
واشرقت الشمس لتكون بدايه جديده وحياه جديده وأمل جديد للجميع
استيقظ عمر وذهب للمطبخ وأخرج الثلج وجاء لمكان نوم الجميع ووضع ثلج لنور وسمر واقترب من جنه وقبلها ومرر الثلج علي خدها بلطف بينما كانت سمر ونور يقمن بالرقصه الصباحيه المعروفه استيقظت جنه ونظرت وجدت عمر يغمز لها نظرت اكثر وجدت تنور تقفز هي وسمر ويحاولن الوصول لظهرهن
نظرت لهم بتعجب ماذا حدث لهم
ضحك عمر عليهم / ده التقليد الصباحي هتتعودي
بعد مرور ساعه تقريبا كان عمر غادر المنزل لعمله الذي يحاول من خلاله ام يوقع حميد الشرقاوي
بقيت سمر التي قررت أن تأخذ جنه معها للعمل ونور التي ارتدت ثيابها للعوده للعمل فهذا اول يوم لها بعد حادثه التهمه التي وجهت لها وسوف تمر علي مالك بعد الانتهاء لكي تكمل تدريباتها التي توقفت منذ ذلك الحادث
كان الجميع علي وشك الخروج من المنزل حينما سمعوا صوت طرق كبير كاد الباب ان يتحطم بسببه ذهبت سمر لتفتح الباب وكانت جنه ونور خلفها مستعدين للذهاب
فتحت سمر الباب وجدت أمامها رجال أصحاب جسد ضخم جدا نظرت لهم برعب
تراجعت سمر للخلف وهي تضع يدها اما نور وجنه بحمايه وتنظر للرجال بشراسه وهي مستعده للقتل في سبيل حماية 
اخوتها
ثواني وكان يخرج من بينهم
فتحت نور وسمر أعينهم بحده
سمر وهي تضغط على أسنانها / عثمان المنصوري
عثمان وهو يوجهه نظره لنور / كيفك يابت عمي……………………………
خلص الفصل اتمني يكون ممتع وعجبكم
متنسوش التعليق برأيكم
تشجيعكم بيفرق جدا 
……………………………
ايه هي خطه عثمان!!!
مالك هيبدأةمهتمه قريب جدا ياتري ايه هي الأحداث اللي هتحصل في أثناء المهمه دي مفاجأت كتير وخطط بتدبر وخيوط حب بتتنسج وشراره عشق بتشتعل ونار غيره بتحرق كل ده هنعيشه في الفصول الجايه من
#بنت_الشيطان
دمتم سالمين
رحمه نبيل 
美心
کْنِتٌ روٌآيَهّ مًسِلَيَهّ آوٌ جّمًيَلَهّ 😔✨